തുംഗസ്ഥഃ ഖലു ദേവതാഗ്നിഗൃഹഗാ ഗന്ധര്‍വ്വമുഖ്യസ്തഥാ
സിംഹസ്ഥോ നൃപസേവകൈരിഹ നൃണാമുദ്ദിശ്യകാന്തം സ്ത്രീയഃ
നാരീണാഞ്ച കൃതാഭിചാരജനിതാ ദുര്‍ദ്ദേവതാ വാക്പതിര്‍
ഭസ്മാപ്സംഗിപിശാചകാവധമഗന്ധര്‍വ്വശ്ശനേര്‍ന്ന സ്വഭേ.
സാരം :-
വ്യാഴം കര്‍ക്കിടകം രാശിയില്‍ നിന്നാല്‍ യാഗസംരക്ഷകയായ ദേവതയേയും പ്രബലനായ ഗന്ധര്‍വ്വനേയും പറയണം.
വ്യാഴം ചിങ്ങം രാശിയില്‍ നിന്നാല്‍ പുരുഷന്മാര്‍ക്കുവേണ്ടി രാജഭൃത്യന്മാരുടെ ആഭിചാര കര്‍മ്മം നിമിത്തം ബാധിച്ചിരിക്കുന്ന ദേവതകളെയും അല്ലെങ്കില്‍ സ്ത്രീകള്‍ക്ക് ഭര്‍ത്താവിനെ ഉദ്ദേശിച്ച് മറ്റൊരു സ്ത്രീയെക്കൊണ്ട് ആഭിചാരം ചെയ്യിക്ക നിമിത്തം ഉണ്ടായിട്ടുള്ള ദേവതകളെയും പറയണം.
വ്യാഴം മകരത്തിലോ കുംഭാത്തിലോ നിന്നാല്‍ ഭസ്മപിശാചന്‍ അധമഗന്ധര്‍വ്വന്‍ എന്നിവരെ പറയണം.
വ്യാഴം സ്വക്ഷേത്രത്തില്‍ നിന്നാല്‍ ബാധയെ പറയരുത്.
