ചിങ്ങം, ധനു, മീനം, കുംഭം, മകരം രാശികളിൽ ചൊവ്വ നിൽക്കുമ്പോൾ ജനിക്കുന്നവൻ

നിസ്സ്വഃ ക്ളേശസഹോ വനാന്തരചര-
സ്സിംഹോല്പദാരാത്മജോ
ജൈവേ നൈകരീപുർന്നരേന്ദ്രസചിവഃ
ഖ്യാതോƒഭയോƒല്പാത്മജഃ
ദുഃഖാർത്തോ വിധനോടനോƒനൃതപര-
സ്ത്രീക്ഷ്ണശ്ചകുംഭസ്ഥിതേ
ഭൌമേ ഭൂരിധനാത്മജോ മൃഗഗതേ
ഭൂപോഥവാ തത്സമഃ


സാരം :-

ചിങ്ങം രാശിയിൽ ചൊവ്വ നിൽക്കുമ്പോൾ ജനിക്കുന്നവൻ ക്ളേശങ്ങളെ സഹിക്കുന്നവനായും ധനമില്ലാത്തവനായും വനമദ്ധ്യങ്ങളിൽ സഞ്ചരിക്കുന്നവനായും പുത്രന്മാർക്കും ഭാര്യയ്ക്കും കുറവുള്ളവനായും ഭവിക്കും.

ധനു രാശിയിലോ മീനം രാശിയിലോ ചൊവ്വ നിൽക്കുമ്പോൾ ജനിക്കുന്നവൻ വളരെ ശത്രുക്കളുള്ളവനായും രാജമന്ത്രിയായും പ്രസിദ്ധനായും ഭയമില്ലാത്തവനായും പുത്രന്മാർ കുറഞ്ഞിരിക്കുന്നവനായും ഭവിക്കും.

കുംഭം രാശിയിൽ ചൊവ്വ നിൽക്കുമ്പോൾ ജനിക്കുന്നവൻ പലതരത്തിലുള്ള ദുഃഖങ്ങളാൽ വ്യാകുലനായും ധനഹീനനായും സഞ്ചാരശീലനായും അസത്യം പറയുന്നവനായും ക്രൂരനായും നിരപേക്ഷനായും ഭവിക്കും.

ചൊവ്വയുടെ ഉച്ചരാശിയായ മകരം രാശിയിൽ ചൊവ്വ നിൽക്കുമ്പോൾ ജനിക്കുന്നവൻ വളരെ സമ്പത്തും പുത്രന്മാരും ഉള്ളവനായും രാജാവോ രാജതുല്യനോ ആയും ഭവിക്കും. 

വിദ്യാഭ്യാസം, ജോലി, മുഹൂർത്തം, വിവാഹം, വിവാഹപൊരുത്തം, പ്രണയം, സന്താനലാഭം, കുടുംബ പ്രശ്നങ്ങള്‍, ദാമ്പത്യ പ്രശ്നങ്ങൾ, ബിസിനസ്സ് പ്രശ്നങ്ങള്‍, മാനസീക പ്രശ്നങ്ങള്‍, ഗൃഹ ദോഷം, ശത്രുദോഷം എന്നിവയെ കുറിച്ച് പാരമ്പര്യ ജ്യോതിഷ വിധിപ്രകാരം പരിഹാരങ്ങള്‍ നിര്‍ദ്ദേശിക്കുന്നു. കൂടുതല്‍ വിവരങ്ങള്‍ക്ക് വിളിക്കുക, കിരണ്‍ജി, Phone :-8589090838 ...... or....... 9447090838 ..... or ...planetkodungallur@gmail.com ..... or ..... WhatsApp Number :- 9447090838


പാരമ്പര്യ ജ്യോതിഷ വിധിപ്രകാരം "ജാതകം" എഴുതി നൽകുന്നതാണ്.