ധീമാൻ ധനീ തനയവാൻ സുയശാഞ്ചിരായു-
രായേ സുസത്യസുഖഭോഗസുഭൃത്യലാഭഃ
ദീനോƒലസഃ പരിഭവീ വിസുഹൃദ്ധനോജ്ഞഃ
സൗമ്യേ വ്യയേ ഖലുഖലസ്സു വചാ നൃശംസഃ
പതിനൊന്നാം ഭാവത്തിൽ ബുധൻ നിൽക്കുമ്പോൾ ജനിക്കുന്നവൻ ഏറ്റവും ബുദ്ധിമാനായും വിദ്വാനായും ധനവും പുത്രന്മാരും സൽകീർത്തിയും ദീർഘായുസ്സും സത്യനിഷ്ഠയും സുഖവും ഭോഗവും നല്ല ഭൃത്യന്മാരും വളരെ അർത്ഥലാഭവും ഉള്ളവനായും ഭവിക്കും.
പന്ത്രണ്ടാം ഭാവത്തിൽ ബുധൻ നിൽക്കുമ്പോൾ ജനിക്കുന്നവൻ ദാരിദ്രവും ദുഃഖവും മടിയും കാര്യാദികളിൽ പരാജയവും ഉള്ളവനായും ബന്ധുക്കളും ധനവും ഇല്ലാത്തവനായും മൂഢനായും ക്രൂരനായും നല്ലവാക്കുകൾ പറയുന്നവനായും ഘാതകനായും ഭവിക്കും.
