പന്ത്രണ്ടാം ഭാവത്തിൽ ശനി നിൽക്കുമ്പോൾ ജനിക്കുന്നവൻ

രിപ്ഫേ വ്യയാർത്തോ വികലഃ ഖലോƒസ്വ-

ശ്ശനൌ വിലജ്ജോ വിസുതോƒരിഭീതഃ

ഭ്രഷ്ടോƒതിഭഗ്നോ മുഖരഃ പ്രവാസീ

സുനിർദയസ്സ്യാദ്വിഷമേക്ഷണശ്ച.

സാരം :-

പന്ത്രണ്ടാം ഭാവത്തിൽ ശനി നിൽക്കുമ്പോൾ ജനിക്കുന്നവൻ പല പ്രകാരത്തിലുള്ള ദുർവ്വ്യയങ്ങളെക്കൊണ്ട് പീഡിതനായും അംഗവൈകല്യവും സ്വഭാവദോഷവും നിർദ്ധനത്വവും ഉള്ളവനായും ലജ്ജയും സന്താനങ്ങളും ഇല്ലാത്തവനായും ശത്രുക്കളാൽ പീഡിതനായും കുലഭ്രഷ്ടനായും എല്ലായിടത്തും തോൽവി സംഭവിക്കുന്നവനായും വളരെ സംസാരിക്കുന്നവനായും അന്യദേശവാസിയായും നിർദ്ദയനായും വിഷമദർശിയായും ഭവിക്കും