ജായാപതേർവ്വീര്യയുതസ്യ ദായേ
പ്രാപ്നോതി കല്യാണമഹോത്സവാദീൻ
സമ്പാദ്യ വസ്ത്രാഭരണാനി ശയ്യാം
പ്രീതോ രമണ്യാം രമതേƒതിവീര്യഃ
സാരം :-
ബലവാനായ ഏഴാം ഭാവാധിപനായ ഗ്രഹത്തിന്റെ ദശയിൽ കല്യാണമഹോത്സവങ്ങളെ ചെയ്ക്കയും (വിവാഹം മുതലായത് നടത്തുകയും) വസ്ത്രാഭരണങ്ങളെയും ശയനോപകരണങ്ങളേയും സമ്പാദിക്കുകയും സ്വഭാര്യയോടുകൂടി രമിക്കുകയും ഏറ്റവും വീര്യവാനായിരിക്കുകയും ചെയ്യും.
***********************************************************
ദായേ സ്വകീയേ വിബലോ മദേശഃ
സ്ത്രീഹേതുകാർത്തിം പരദാരസംഗം
ഗുഹ്യാമയം ചാടനദുഃഖശോകം
ജാമാതൃപീഡാം കുരുതേ വിദാരം
സാരം :-
ബലഹീനനായ ഏഴാം ഭാവാധിപനായ ഗ്രഹത്തിന്റെ ദശയിൽ സ്ത്രീനിമിത്തം അനർത്ഥവും പരസ്ത്രീഗമനവും ഗുഹ്യരോഗവും (അർശസ്സ്, ഭഗന്ദരം, മൂത്രരോഗം മുതലായത് ) സഞ്ചാരവും പല പ്രകാരേണ ദുഃഖവും ശോകം മകളുടെ ഭർത്താവിന് ആപത്ത് അല്ലെങ്കിൽ കഠിനമായ ദുഃഖം ഇവയും സ്വഭാര്യാനാശവും സംഭവിക്കും.