കലഹകൃദിനപൗത്രേ ദ്യൂനഗേ ഹീനദാര-
സ്സകലജനവിരോധീ മന്ദബുദ്ധിഃ കൃതഘ്നഃ
വികൃതനയനവക്ത്രസ്സ്വല്പകായോ രുഗാർത്തോ
ഗരളദഹനശസ്ത്രൈദുർമൃതോ നായതായുംഃ
സാരം :-
ഏഴാം ഭാവത്തിൽ ഗുളികൻ നിൽക്കുമ്പോൾ ഭാര്യാനാശമോ ഭാര്യാസുഖഹാനിയോ നികൃഷ്ടഭാര്യാനുഭവമോ ഉള്ളവനായും സകലജനങ്ങൾക്കും വിരോധത്തെ ജനിപ്പിക്കുന്നവനായും ബുദ്ധിഹീനനായും ഉപകാരസ്മരണ ഇല്ലാത്തവനായും ഭവിക്കും.
എട്ടാം ഭാവത്തിൽ ഗുളികൻ നിൽക്കുമ്പോൾ ജനിക്കുന്നവൻ മുഖവും കണ്ണും വിരൂപമായിരിക്കുകയും രോഗങ്ങളാൽ പീഡിതനാകുകയും ഹ്രസ്വശരീരനാകുകയും വിഷം, അഗ്നി, ആയുധം എന്നിവകളിലേതെങ്കിലും കാരണമായി ദുർമൃതി സംഭവിക്കുകയും അല്പായുസ്സാകയും ചെയ്യും.