ചൊവ്വാദശയിലെ രാഹുവിന്റെ അപഹാരകാലം

ശാസ്ത്രാഗ്നിചോരരിപുഭുപഭയം വിഷാർത്തിഃ

കക്ഷ്യക്ഷിശീർഷജഗദോ ഗുരുബന്ധുഹാനിഃ

പ്രാണവ്യയോƒഥ യദി വാ വിപുലാപവാദോ

വക്രായുരന്തരഗതേ ഭുജഗാധിനാഥേ.

സാരം :-

ചൊവ്വാദശയിലെ രാഹുവിന്റെ അപഹാരകാലം ആയുധത്തിൽനിന്നോ അഗ്നിയിൽനിന്നോ കള്ളന്മാരിൽനിന്നോ ശത്രുക്കളിൽനിന്നോ രാജാവിൽനിന്നോ ഉപദ്രവവും വിഷഭയവും വയറ്റിലും കണ്ണിലും തലയിലും വ്യാധികൾ പിടിപ്പെടുകയും പിതാവ് ആചാര്യൻ മുതലായ ഗുരുജനങ്ങൾക്കും ബന്ധുക്കൾക്കും ഹാനിയും വലുതായിരിക്കുന്ന ആപത്തോ അപവാദമോ അഥവാ മരണംതന്നെയോ സംഭവിക്കുകയും ചെയ്യും.

മാരകലക്ഷണമുള്ള രാഹുവാണെങ്കിൽ ദോഷശാന്ത്യർത്ഥം മൃത്യുഞ്ജയജപഹോമങ്ങളും അജദാനവും നാഗദാനവും ചെയ്കയും വേണം.