മാതാവും ശിശുവും ഉടനെ മരിയ്ക്കുന്നതാണ് / മാതാവും ശിശുവും മരിയ്ക്കുന്നത് ആയുധം ഏറ്റിട്ടായിരിയ്ക്കയും ചെയ്യും

അശുഭസഹിതേ ഗ്രസ്തേ ചന്ദ്രേ കുജേ നിധനാശ്രിതേ
ജനനിസുതയോർമൃത്യുർല്ലഗ്നേ രവൗ തു സ ശസ്ത്രജഃ
ഉദയതി രവൗ ശീതാംശൗ വാ ത്രികോണവിനാശഗൈർ-
ന്നിധനമശുഭൈർവ്വീര്യോപേതൈഃ ശുഭൈരയുതേക്ഷിതേ.

സാരം :-

ഗ്രഹണമുള്ള സമയത്തെ സൂര്യചന്ദ്രന്മാരേയാണ് ഗ്രസ്തന്മാർ എന്ന് പറയുന്നത്.

1). ഗ്രസ്തനും പാപയുക്തനുമായ ചന്ദ്രൻ ലഗ്നത്തിലും, ചൊവ്വ ലഗ്നാൽ എട്ടാം ഭാവത്തിലും നിൽക്കുമ്പോൾ പ്രസവിച്ചാൽ മാതാവും ശിശുവും താമസിയാതെ മരിയ്ക്കുന്നതാണ്. 2). അപ്രകാരംതന്നെ ചൊവ്വാ എട്ടാം ഭാവത്തിൽ നിൽക്കുമ്പോൾ ഗ്രസ്തനും പാപസഹിതനുമായ സൂര്യനാണ് ലഗ്നത്തിൽ നിൽക്കുന്നതെങ്കിൽ മാതാവും ശിശുവും മരിയ്ക്കുന്നത് ആയുധം ഏറ്റിട്ടായിരിയ്ക്കയും ചെയ്യും. "പാപയോഗത്തോടുകൂടിയ സൂര്യൻ ലഗ്നത്തിലും, ഒരു പാപഗ്രഹവും ചൊവ്വയും ചന്ദ്രനുംകൂടി ലഗ്നാൽ എട്ടാം ഭാവത്തിലും നിന്നാലും യോഗമായി" എന്നു ചിലർ വ്യാഖ്യാനിച്ചു കാണുന്നുണ്ട്. ഈ വിധമായാൽ "ഗ്രസ്തേ" എന്ന പദം അന്വയിയ്ക്കാതെ പോകുന്നതാകയാൽ അത് യുക്തമാണെന്നും തോന്നുന്നില്ല. 3). സൂര്യചന്ദ്രന്മാരിൽ ഒന്ന് ലഗ്നത്തിൽ നിൽക്കുകയും, അതിന്നു ബലവാന്മാരായ ശുഭഗ്രഹങ്ങളുടെ  യോഗമോ ദൃഷ്ടിയോ ഇല്ലാതിരിയ്ക്കയും, ബലവാന്മാരായ പാപഗ്രഹങ്ങൾ ലഗ്നാൽ 5 - 8 - 9 എന്നീ ഭാവങ്ങളിൽ നിൽക്കുകയും ചെയ്ക; ഈ സമയത്ത് ജനിച്ചാലും മാതാവും ശിശുവും ഉടനെ മരിയ്ക്കുന്നതാണ്. "വീര്യോ പേതൈഃ" എന്ന പദം "ഭിത്തിപ്രദീപന്യായേന" അശുഭന്മാരിലും ശുഭന്മാരിലും അന്വയിയ്ക്കേണ്ടതാകുന്നു. ബലവാന്മാരായ ശുഭഗ്രഹങ്ങളുടെ ദൃഷ്ടികൾ മേൽപ്പറഞ്ഞ മൂന്നു യോഗങ്ങളുടേയും അപവാദങ്ങളാണ്.

വിദ്യാഭ്യാസം, ജോലി, മുഹൂർത്തം, വിവാഹം, വിവാഹപൊരുത്തം, പ്രണയം, സന്താനലാഭം, കുടുംബ പ്രശ്നങ്ങള്‍, ദാമ്പത്യ പ്രശ്നങ്ങൾ, ബിസിനസ്സ് പ്രശ്നങ്ങള്‍, മാനസീക പ്രശ്നങ്ങള്‍, ഗൃഹ ദോഷം, ശത്രുദോഷം എന്നിവയെ കുറിച്ച് പാരമ്പര്യ ജ്യോതിഷ വിധിപ്രകാരം പരിഹാരങ്ങള്‍ നിര്‍ദ്ദേശിക്കുന്നു. കൂടുതല്‍ വിവരങ്ങള്‍ക്ക് വിളിക്കുക, കിരണ്‍ജി, Phone :-8589090838 ...... or....... 9447090838 ..... or ...planetkodungallur@gmail.com ..... or ..... WhatsApp Number :- 9447090838


പാരമ്പര്യ ജ്യോതിഷ വിധിപ്രകാരം "ജാതകം" എഴുതി നൽകുന്നതാണ്.