ഉപനയനകർമ്മത്തിനു കറുത്തപക്ഷവും ദക്ഷിണായനവും സ്വീകാര്യമല്ല. ഉത്തരായനത്തിൽ പൂർവ്വപക്ഷത്തിൽ ഉപനയനം നടത്തണം. ഉത്തരായനം തുടങ്ങുന്ന ദിവസം ഉപനയനമുഹൂർത്തം ഉണ്ടായാൽ അന്നു ഉപനയിക്കണമെന്നുണ്ടെങ്കിൽ അതിന്റെ കീഴിലുള്ള ധനുമാസാന്ത്യദിവസം നന്ദീമുഖം ഊട്ടാവുന്നതാണ്. അതുപോലെ മിഥുനമാസാന്ത്യത്തിൽ ഉപനയിക്കുകയാണെങ്കിൽ കർക്കിടകമാസത്തിൽ ദണ്ഡുചാരുകയും വേണം. എന്നിങ്ങനെ പണ്ഡിതന്മാർ അഭിപ്രായപ്പെട്ടിട്ടുണ്ട്. മകരം, കുംഭം മധ്യമം, മീനം മേടം ഉത്തമം, ഇടവം മിഥുനം അധമം എന്നീ പ്രകാരം ഉത്തരായനത്തെ ഉപനയനവിധിക്കു മൂന്നായി പറഞ്ഞിട്ടുണ്ട്. ഇതിൽ വസന്തകാലം മുഖ്യം തന്നെ.
സ്വകുലാചാരധർമ്മജ്ഞൊ മാഘാ മാസേഥഫാൽഗുനേ
വിധിജ്ഞശ്ചർത്ഥവാം ശ്ചൈത്രെ വേദവേദാംഗപാരഗഃ
വൈശാഖെധനവാൻ വേദശാസ്ത്ര വിദ്യാവിശാരദഃ
ഉപനീതഃ കുലാഢ്യശ്ച ജ്യേഷ്ഠേ വിധി വിദാം വരഃ
