കുജേ തുംഗേർക്കേന്ദ്വോർദ്ധനുഷി യമലഗ്നേ ച കുപതിഃ
പതിർഭൂമേശ്ചാന്യഃ ക്ഷിതിസുതവിലഗ്നേ സശശിനി
സചന്ദ്രേ സൌരേസ്തേ സുരപതിഗുരൌ ചാപധരഗേ
സ്വതുംഗസ്ഥേ ഭാനാവുദയമുപയാതേ ക്ഷിതിപതിഃ
സാരം :-
1). ചൊവ്വ മകരം രാശിയിലും സൂര്യചന്ദ്രന്മാർ ധനു രാശിയിലും ലഗ്നത്തിൽ (ഇവിടെ ലഗ്നം ഇന്ന രാശിയാവണമെന്നില്ല) ശനിയും നിൽക്കുക. ഇതു ഒരു രാജയോഗമാകുന്നു. ഇവിടെ "യമലഗ്നേ" എന്നതിനു മുകളിൽ കാണിച്ചപോലെ ലഗ്നത്തിൽ ശനി നിൽക്കുക എന്നല്ല അർത്ഥമെന്നും, ലഗ്നം മിഥുനം രാശിയാവുകയാണെന്നും ഒരു അഭിപ്രായമുണ്ട്. 2). മകരം രാശി ലഗ്നമാവുക, അവിടെ ചന്ദ്രകുജന്മാരും ധനു രാശിയിൽ സൂര്യനും നിൽക്കുക. 3). മേടലഗ്നത്തിൽ സൂര്യനും തുലാം രാശിയിൽ ചന്ദ്രനും ശനിയും, ധനു രാശിയിൽ വ്യാഴവും നിൽക്കുക, ഇങ്ങനെയാണു ഈ ശ്ലോകംകൊണ്ടു മൂന്നു രാജയോഗങ്ങളെ കല്പിച്ചിരിയ്ക്കുന്നത്.