സ്വോച്ചസ്വഗൃഹത്രികോണസംസ്ഥൈ-
സ്ത്യാദ്യൈർഭൂപതിവംശജാ നരേന്ദ്രാഃ
പഞ്ചാദിഭിരന്യവംശജാതാ
ഹീനൈർവ്വിത്തയുതാ ന ഭൂമിപാഃ സ്യുഃ
സാരം :-
സ്ഥാനദിക്കാലചേഷ്ടാദി എല്ലാ ബലങ്ങളും ഒരു വിധം ഉള്ളവരും, തന്റെ ഉച്ചം മൂലത്രികോണം ഇവയിലൊന്നിൽ നിൽക്കുന്നവരുമായ ഒന്നോ രണ്ടോ ഗ്രഹങ്ങൾ ഒരു രാജപുത്രന്റെ ജനനസമയത്തുണ്ടായാൽ അയാൾ വലിയ ധനികനും പ്രഭുവുമായിത്തീരുന്നതാണ്. അല്ലാതെ അയാൾക്ക് രാജാധികാരം സിദ്ധിയ്ക്കുകയില്ല. ജന്മസമയത്ത് അത്തരം മൂന്നോ നാലോ ഗ്രഹങ്ങളുണ്ടെങ്കിൽ അയാൾ രാജവംശജാതനല്ലാത്ത ഒരാളുടെ ജന്മസമയത്താണ് ഈ യോഗമെങ്കിൽ അയാൾ വലിയ ധനവാനും പ്രഭുവായിത്തീരുകയും ചെയ്യും. ഇത്തരം അഞ്ചോ ആറോ ഏഴോ ഗ്രഹങ്ങളാണ് ഒരുവന്റെ ജനനസമയത്തുള്ളതെങ്കിൽ അയാൾ എത്ര തന്നെ നികൃഷ്ടനായിരുന്നാലും രാജാധികാരം സിദ്ധിയ്ക്കാതിരിയ്ക്കയുമില്ല.