നിഷ്ക്രാമണം എന്നാൽ വാതിൽ പുറപ്പാട് എന്ന് പറയും. ഇല്ലത്തുനിന്നും ജനനാന്തരം ആദ്യമായി പുറത്തിറങ്ങാനുള്ള ശുഭമുഹൂർത്തമെന്നർത്ഥം. ഇത് നാലാം മാസം ചെയ്യാം. അല്ലെന്നാൽ അന്നപ്രാശനത്തോടുകൂടി ചെയ്യാവുന്നതാണ്. ഇതിന്നു ചോറൂണിന്റെ മുഹൂർത്തം തന്നെ മുഖ്യം. ഹരിവാസരം വർജ്യമല്ല. ഇവിടെ മാസനിർണ്ണയം സാവനം തന്നെയാണ്. നാലാം മാസം നിഷ്ക്രാമണക്രിയതരമായില്ലെങ്കിൽ ആറാം മാസത്തിൽ ചോറൂണിനോടൊപ്പം നടത്താവുന്നതാണ്. അപ്പോൾ അന്നപ്രാശനവും നിഷ്ക്രാമണവും ഒരേ മുഹൂർത്തത്തിൽ തന്നെ നടത്തണം.
നിഷ്ക്രാമണം ചതുർത്ഥേമാസി
നചേൽപ്രാശനേന സഹകുര്യാൽ
ഭുക്തിവദേവ മുഹൂർത്തസ്തസ്യ
ന ഹരിവാസരോ വർജ്യ.
എന്ന് ശാസ്ത്ര വിധി.
