വൃഷോദയേ മൂർത്തിധനാരിലാഭഗൈ-
ശ്ശശാംകജീവാർക്കിസിതൈർനൃപോƒപരഃ
സുഖേ ഗുരൌ ഖേ ശശിതീക്ഷ്ണദീധിതീ
യമോദയേ ലാഭഗതൈർനൃപോƒപരൈഃ
സാരം :-
1). ഇടവം രാശിയിൽ ചന്ദ്രനും മിഥുനം രാശിയിൽ വ്യാഴവും തുലാം രാശിയിൽ ശനിയും മീനം രാശിയിൽ ആദിത്യകുജബുധശുക്രന്മാരും നിൽക്കുമ്പോൾ ഇടവലഗ്നത്തിൽ ജനിയ്ക്കുക. 2). വ്യാഴം കന്നി രാശിയിലും ആദിത്യചന്ദ്രന്മാർ മീനം രാശിയിലും കുജബുധശുക്രമന്ദന്മാർ മേടം രാശിയിലും നിൽക്കുമ്പോൾ മിഥുനലഗ്നമായി ജനിയ്ക്കുക. ഈ രണ്ടു യോഗങ്ങളിൽവെച്ച് ഒന്നിൽ ഒരു രാജപുത്രനാണ് ജനിച്ചതെങ്കിൽ അയാൾക്കു രാജ്യാധികാരം സിദ്ധിയ്ക്കുന്നതാണ്.
ഇവിടെ 'യമോദയേ" എന്നതിന്റെ അർത്ഥം മിഥുനലഗ്നം എന്നല്ലെന്നും യമോദയം ശനിയുടെ ലഗ്നസ്ഥിതി എന്നു അർത്ഥം കല്പിച്ചു ലഗ്നം ഏതു രാശിയായാലും വിരോധമില്ല ശനി ലഗ്നത്തിലുണ്ടാവേണമെന്നാണു താൽപര്യമെന്നും ഒരു അഭിപ്രായമുണ്ട്. ലഗ്നത്തിൽ, ശനിയും നാലാം ഭാവത്തിൽ വ്യാഴവും പത്താം ഭാവത്തിൽ ആദിത്യചന്ദ്രന്മാരും, പതിനൊന്നാം ഭാവത്തിൽ കുജബുധശുക്രന്മാരും നിൽക്കണമെന്നാണ് ഇവരുടെ അഭിപ്രായം.