ഹയേ സേന്ദൌ ജീവേ മൃഗമുഖഗതേ ഭൂമിതനയേ
സ്വതുംഗസ്ഥൌ ലഗ്നേ ഭൃഗുജശശിജാവത്ര നൃപതീ
സുതസ്ഥൌ വക്രാർക്കീ ഗുരുശശിസിതാശ്ചാപി ഹിബുകേ
ബുധേ കന്യാലഗ്നേ ഭവതി ഹി നൃപോƒന്യോപി ഗുണവാൻ.
1). ധനു രാശിയിൽ വ്യാഴവും ചന്ദ്രനും നിൽക്കുകയും, മകരം രാശിയിൽ ചൊവ്വ നിൽക്കുകയും, മീനലഗ്നത്തിൽ ശുക്രനും നില്ക്കുക 2). മകരം രാശിയിൽ ചൊവ്വ നിൽക്കുകയും ധനു രാശിയിൽ ചന്ദ്രനും വ്യാഴവും നിൽക്കുകയും, കന്നി ലഗ്നത്തിൽ ബുധനും നിൽക്കുക 3). ധനു രാശിയിൽ വ്യാഴവും ശുക്രനും നിൽക്കുകയും, മകരം രാശിയിൽ ചൊവ്വയും ശനിയും നിൽക്കുകയും, കന്നി ലഗ്നത്തിൽ ബുധനും നിൽക്കുക. ഈ മൂന്നു യോഗങ്ങളിൽ ജനിച്ചാലും ഗുണവാന്മാരായ രാജാക്കന്മാരാവാതിരിയ്ക്കയില്ല.
