ഝഷേ സേന്ദൌ ലഗ്നേ ഘടമൃഗമൃഗേന്ദ്രേഷു സഹിതൈ-
ര്യമാരാർക്കൈര്യോഭൂൽ സ ഖലു മനുജഃ ശാസ്തി വസുധാം
അജേ സാരേ മൂർത്തൌ ശശിഗ്രഹഗതേ ചാമരഗുരൌ
സുരേഡ്യേ വാ ലഗ്നേ ധരണിപതിരന്യോപി ഗുണവാൻ
സാരം :-
1). മീനം രാശിയിൽ ചന്ദ്രനും, കുംഭം രാശിയിൽ ശനിയും, മകരം രാശിയിൽ ചൊവ്വയും, ചിങ്ങം രാശിയിൽ സൂര്യനും നിൽക്കുമ്പോൾ മീനലഗ്നത്തിൽ ജനിയ്ക്കുക; എന്നാൽ നിർവ്വിവാദമായും രാജാവാകുന്നതാണ്.
2). കർക്കടകം രാശിയിൽ വ്യാഴവും, മേടലഗ്നത്തിൽ ചൊവ്വയും നിൽക്കുക; 3). മേടം രാശിയിൽ ചൊവ്വയും, കർക്കടകം രാശിയിൽ വ്യാഴവും നിൽക്കുമ്പോൾ കർക്കടകലഗ്നമായി ജനിയ്ക്കുക; മേൽപ്പറഞ്ഞ രണ്ടു യോഗജാതന്മാരും ഗുണവാന്മാരുമായ രാജാക്കന്മാരായിത്തീരും.