അപി ഖലകുലജാതാ മാനവാ രാജ്യഭാജഃ
കിമുത നൃപകുലോത്ഥാഃ പ്രോക്തഭൂപാലയോഗൈഃ
നൃപതികുലസമുത്ഥാഃ പാർത്ഥിവാ വക്ഷ്യമാണൈ-
ഭവതി നൃപതിതുല്യസ്തേഷ്വഭൂപാലപുത്രഃ
സാരം :-
രണ്ടാം ശ്ലോകം തുടങ്ങി ഇതുവരെ പറഞ്ഞ 73 രാജയോഗങ്ങളിൽ ഏതെങ്കിലും ഒന്നിൽ ജനിച്ചാൽ അയാൾ കുലം ഐശ്വര്യം മുതലായവയിൽ എത്രതന്നെ നികൃഷ്ടനായിരുന്നാലും യഥാകാലം രാജാധികാരം ലഭിയ്ക്കാതിരിയ്ക്കയില്ല. രാജവംശത്തിൽ ജനിച്ചവരുടെ കഥ പിന്നെ പറയേണ്ടതുമില്ലല്ലോ. എന്നാൽ ഈ അദ്ധ്യായത്തിൽ ഇനി പറയാൻ പോകുന്ന രാജയോഗങ്ങളിലൊന്നിലാണ് ഒരാളുടെ ജനനമെങ്കിൽ. അയാൾ രാജവംശത്തിൽ പെട്ടവനാണെങ്കിൽ മാത്രമേ രാജാധികാരം സിദ്ധിയ്ക്കയുള്ളു. അല്ലെങ്കിൽ അയാൾ ധനം മുതലായ അവസ്ഥകളാൽ രാജ്യതുല്യനായിത്തീരുകയേ ഉള്ളൂ.