മൂലത്രികോണസ്ഥിതസൗമ്യദായേ
രാജ്യശ്രിയം സൗഖ്യമതീവ കീർത്തിം
പുരാണപുണ്യശ്രവണാദി ശുദ്ധിം
പ്രാപ്നോതി വിദ്യാം വിജയം ച മർത്യഃ
സാരം :-
മൂലത്രികോണത്തിൽ (കന്നിരാശിയിൽ 15 തീയതിക്കുമേൽ 20 തീയതിക്കകം) നിൽക്കുന്ന ബുധന്റെ ദശാകാലം രാജ്യശ്രീയും വലിയ സുഖവും യശസ്സും പുരാണധർമ്മങ്ങളെ കേൾക്കുക, ഗംഗാദി പുണ്യതീർത്ഥങ്ങളിൽ സ്നാനം, പുണ്യക്ഷേത്രദർശനം മുതലായ സൽക്കർമ്മങ്ങളെക്കൊണ്ടുള്ള ശുദ്ധിയും വിദ്യാഗുണവും കാര്യാദികളിൽ ജയവും ഫലമാകുന്നു.
