വികത്ഥനശ്ശാസ്ത്രകലാവിദഗ്ദ്ധഃ
പ്രിയംവദസ്സൌഖ്യരതസ്തൃതീയേ
ജലാർജ്ജിതസ്വസ്സ്വജനസ്യ ശത്രുഃ
ശശാങ്കജേ ശീതകരർക്ഷയുക്തേ.
സാരം :-
ജനനസമയത്ത് ബുധൻ മിഥുനം രാശിയിൽ നിന്നാൽ, തന്നെത്താൻ വാഴ്ത്തിപ്പറയുക, ശിക്ഷാവ്യാകരണാദ്യംഗശാസ്ത്രങ്ങളിലും ഗീതവാദ്യനൃത്താദികലാവിദ്യകളിലും അതിസാമർത്ഥ്യം, എപ്പോഴും എല്ലാവരോടും സന്തോഷകരമായ നല്ല വാക്കു സംസാരിയ്ക്കുക, സുഖസാധനങ്ങളിലും സുഖാനുഭാവത്തിങ്കലും താല്പര്യം എന്നിവ ഫലമാകുന്നു.
ജനനസമയത്ത് ബുധൻ കർക്കടകം രാശിയിൽ നിൽക്കുമ്പോൾ ജനിച്ചാൽ വെള്ളം തോണി കപ്പൽ മുതലായ ജലവാഹനങ്ങൾ ഇവ നിമിത്തമായി സമ്പാദ്യമുണ്ടാവുകയും, സ്വജനങ്ങൾക്കു ശത്രുവായിത്തീരുകയും ചെയ്യുന്നതാണ്.