സ്വപദച്യുതിസ്സ്വജനവിഗ്രഹരുഗ്
ജ്വരവഹ്നിശസ്ത്രവിഷഭീരഥവാ
അരിവൃദ്ധിരാന്ത്രജരുഗക്ഷിഭയം
രവിജായുരാവിശതി ഭൂമിസുതേ.
സാരം :-
ശനിദശയിലെ ചൊവ്വയുടെ അപഹാരകാലം ധനനഷ്ടം സ്ഥാനഭ്രംശം തനിക്കും സഹോദരാദിബന്ധുക്കൾക്കും രോഗദുഃഖാദ്യരിഷ്ടയും സ്വജനകലഹവും ജ്വരപീഡയും വിഷാഗ്നിശസ്ത്രങ്ങളിൽ നിന്നു ഭയവും മനോദുഃഖവും ശത്രുവർദ്ധനയും ആന്ത്രരോഗവും നേത്ര രോഗവും സംഭവിക്കും.
ചൊവ്വയ്ക്ക് മാരകസ്ഥാനസംബന്ധമുണ്ടായാൽ ദോഷശാന്ത്യർത്ഥം സുബ്രഹ്മണ്യമന്ത്രജപാർച്ചനകളും വൃഷഭദാനവും ദീപദാനവും ചെയ്കയും വേണം.