ശുഭം വർഗ്ഗോത്തമേ ജന്മ വേസിസ്ഥാനേ ച സൽഗൃഹേ
അശൂന്യേഷു ച കേന്ദ്രേഷു കാരകാഖ്യഗ്രഹേഷു ച
1). ഉദയലഗ്നവും ചന്ദ്രനും വർഗ്ഗോത്തമനവാംശകത്തിൽ വരുന്നതും (സകല ഗ്രഹങ്ങളും വർഗ്ഗോത്തമാംശസ്ഥന്മാരാകുന്നതും ഏറ്റവും ശുഭപ്രദമാണെന്നു വിശേഷിച്ചു പറയേണ്ടതുമില്ല). 2). സൂര്യന്റെ രണ്ടാം ഭാവത്തിൽ ശുഭഗ്രഹവുമുണ്ടാവുന്നതും, 3). ലഗ്നം നാല് ഏഴ് പത്ത് എന്നീ നാലു ഭാവങ്ങളിലും ഗ്രഹങ്ങളുണ്ടാവുന്നതും, 4). ഈ ലഗ്നകേന്ദ്രസ്ഥന്മാർ മുൻപറഞ്ഞ പ്രകാരം പരസ്പര കാരകന്മാരാകുന്നതും ശോഭനമാകുന്നു. മേൽപറഞ്ഞ നാലിൽ ഒരു ലക്ഷണമുണ്ടായാൽതന്നെ അയാൾ ആരോഗ്യദൃഢഗാത്രനും ദീർഘായുഷ്‌മാനുമായി അനവധി പുണ്യകർമ്മഫലങ്ങളെ അനുഭവിയ്ക്കുന്നതാകുന്നു. ഈ സ്ഥിതിയ്ക്ക് ജനനസമയത്ത് നാല് ലക്ഷണങ്ങളുമുണ്ടായാലത്തെ കഥ പറയേണ്ടതുമില്ലല്ലോ.
