വായടയ്ക്കുമ്പോൾ താഴത്തെ ചുണ്ടിന്റെ അടിവശം കുഴിഞ്ഞും താടിയെല്ലുകൾ മുഴച്ചുകാണാതേയും മാംസളമായിരിക്കുന്ന താടിയോടു കൂടിയവൾ ഉത്തമിയും ശരീരസൗഖ്യമുള്ളവളും ധനസ്ഥിതിയുള്ളവളുമാകുന്നു.
അപ്രകാരമുള്ള താടി അല്പം നീണ്ടിരിക്കുന്നവൾ അടക്കമില്ലാത്തവളും പുരുഷന്മാരെ ഭരിക്കുവാൻ പ്രാപ്തയുമായിരിക്കും.
ചുണ്ടിന്റെ അടിവശം കുഴിവില്ലാതെ താടിയുള്ളവൾ ഭർത്താവിനോടു സ്നേഹമുള്ളവളും പുത്രഭാഗ്യമുള്ളവളുമായിരിക്കും.
രണ്ടുവശവും തടിച്ച താടിയുള്ളവൾ വ്യഭിചാരിണിയും ദരിദ്രയുമാകുന്നു.
മുൻവശം പരന്ന താടിയോടുകൂടിയ സ്ത്രീ നിത്യദാരിദ്രമനുഭവിക്കുന്നതാകുന്നു.
കീഴോട്ടു തൂങ്ങിയ താടിയുള്ളവൾ പുരുഷന്മാരെ വകവയ്ക്കാത്തവളും കള്ളിയുമായിരിക്കും.
