വിദ്വാൻ സുവാക്യഃകൃപണസ്സുഖീ ച
ധീമാനശത്രുഃ പിതൃതോധികശ്ച
നീചസ്തപസ്വീ സധനസ്സലാഭഃ
ഖലശ്ച ജീവേ ക്രമശോ വിലഗ്നാൽ.
വ്യാഴം ഉദയലഗ്നത്തിൽ നിന്നാൽ വിദ്വാനാവും
രണ്ടാം ഭാവത്തിൽ വ്യാഴം നിന്നാൽ വാക്കിനു ഗുണമുള്ളവനായിരിക്കും.
മൂന്നാം ഭാവത്തിൽ വ്യാഴം നിന്നാൽ സ്വഭാവഗുണവും കാരുണ്യവുമില്ലാത്തവനുമാവും.
നാലാം ഭാവത്തിൽ വ്യാഴം നിന്നാൽ സുഖിയാവും.
അഞ്ചാം ഭാവത്തിൽ വ്യാഴം നിന്നാൽ ബുദ്ധിമാനാവും.
ആറാം ഭാവത്തിൽ വ്യാഴം നിന്നാൽ ശത്രുക്കളില്ലാത്തവനായിരിക്കും.
ഏഴാം ഭാവത്തിൽ വ്യാഴം നിന്നാൽ പലതുകൊണ്ടും പൂർവ്വികന്മാരേക്കാൾ ഉൽകൃഷ്ടനുമാവും.
എട്ടാം ഭാവത്തിൽ വ്യാഴം നിന്നാൽ നീചകർമ്മരതനായിരിക്കും.
ഒമ്പതാം ഭാവത്തിൽ വ്യാഴം നിന്നാൽ തപസ്വിയായിരിക്കും.
പത്താം ഭാവത്തിൽ വ്യാഴം നിന്നാൽ ധനികനാവും
പതിനൊന്നാം ഭാവത്തിൽ വ്യാഴം നിന്നാൽ ഏതു വ്യാപാരത്തിലും ഉദ്ദേശിച്ചതിനേക്കാൾ കൂടുതൽ ലാഭമുണ്ടാകും.
പന്ത്രണ്ടാം ഭാവത്തിൽ വ്യാഴം നിന്നാൽ ദുഃസ്വഭാവം നിമിത്തം ആരോടും ചേർച്ചയില്ലാത്തവനുമാകുന്നതാണ്.