സുലഭബഹുധാന തഥൈവ ഹാനി-
സ്സുതവിരഹോ ബഹുദുഃഖഭാക്പ്രസൂതിഃ
പരിജനയുവതി പ്രജാപ്രലാപഃ
ശശിനി യദാ ശിഖിദായമഭ്യുപേതേ.
സാരം :-
കേതുദശയിലെ ചന്ദ്രന്റെ അപഹാരകാലം വളരെ ധനം ലഭിക്കുകയും അതുപോലെതന്നെ അവ നശിക്കുകയും പുത്രവിരഹവും അനേകദുഃഖങ്ങളും ഭൃത്യന്മാർക്കും ഭാര്യയ്ക്കും കുട്ടികൾക്കും ക്ലേശവും രോഗാദ്യുപദ്രവവും ചതുഷ്പാത്തുകളിൽ നിന്നു ഭയവും സംഭവിക്കുകയും ചെയ്യും.
ചന്ദ്രന് മാരകസ്ഥാനസംബന്ധമുണ്ടായാൽ ദോഷശാന്ത്യർത്ഥം ചന്ദ്രശാന്തിയും ദുർഗ്ഗാമന്ത്രജപവും ചന്ദ്രപ്രീതികരങ്ങളായ ദാനങ്ങളും ചെയ്തുകൊൾകയും വേണം.
