ദിനകരരുധിരൌ പ്രവേശകാലേ
ഗുരുഭൃഗുജൌ ഭവനസ്യ മദ്ധ്യയാതൌ
രവിസുതശശിനൌ വിനിർഗ്ഗമസ്ഥൌ
ശശിതനയഃ ഫലദസ്തു സർവ്വകാലം.
ചാരവശാൽ സഞ്ചരിക്കുന്ന സൂര്യകുജന്മാർ അവർ സഞ്ചരിയ്ക്കുന്ന രാശിയുടെ ആദ്യദ്രേക്കാണസ്ഥന്മാരാകുമ്പോഴും ഗുരുശുക്രന്മാർ മദ്ധ്യദ്രേക്കാണത്തിൽ സഞ്ചരിയ്ക്കുമ്പോഴും ചന്ദ്രമന്ദന്മാർ രാശിയുടെ അന്ത്യദ്രേക്കാണത്തിൽ സഞ്ചരിയ്ക്കുമ്പോഴുമാണ് അവരവർക്കാധിപത്യമുള്ള ശുഭാശുഭഫലങ്ങളെ പ്രദാനം ചെയ്യുക. എന്നാൽ ബുധൻ മൂന്നു ദ്രേക്കാണത്തിൽ സഞ്ചരിയ്ക്കുമ്പോഴും ഫലത്തെ കൊടുക്കുകയും ചെയ്യും.