അഗ്നിഭീതിരഥ നേത്രജാ രുജാ
ചോരജം ഭയമതിവ ദുഃഖിതാ
സ്ഥാനഹാനിരപി വാതരോഗിതാ
ജ്ഞായുഷം ഹരതി മേദിനീസുതേ.
സാരം :-
ബുധദശയിലെ ചൊവ്വയുടെ അപഹാരകാലം അഗ്നിയിൽ നിന്നും കള്ളന്മാരിൽ നിന്നും ഭയവും നേത്രരോഗവും അതികഠിനമായ ദുഃഖവും വാതരോഗവും സ്ഥാനനാശവും ഫലമാകുന്നു.
വേറൊരു ആചാര്യന്റെ അഭിപ്രായപ്രകാരം ആരോഗ്യം, ശത്രുനാശം, പുണ്യകർമ്മാനുഷ്ഠാനം, യശസ്സ്, രാജപ്രസാദം മുതലായ ഗുണഫലങ്ങൾ ചൊവ്വയുടെ അപഹാരകാലത്തു സംഭവിക്കുമെന്നും കാണുന്നുണ്ട്.
ചൊവ്വയ്ക്ക് മാരകസ്ഥാനസംബന്ധമുണ്ടായാൽ ദോഷശാന്ത്യർത്ഥം വൃഷഭദാനവും സുബ്രഹ്മണ്യഭജനവും മൃത്യുഞ്ജയജപവും ചെയ്കയും വേണം.