മതിവിക്രമവാംസ്തൃതീയഗേർക്കേ
വിസുഖഃ പീഡിതമാനസശ്ചതുർത്ഥേ
അസുതോ ധനവർജ്ജിതസ്ത്രികോണേ
ബലവാൻ ശത്രുജിതശ്ച ശത്രുയാതേ.
സാരം :-
ലഗ്നാൽ മൂന്നാം ഭാവത്തിൽ സൂര്യൻ നിന്നാൽ ബുദ്ധിയും പരാക്രമമുള്ളവനുംമായിരിക്കും.
ലഗ്നാൽ നാലാം ഭാവത്തിൽ സൂര്യൻ നിന്നാൽ സുഖരഹിതനും സദാ ദുഃഖിയുമായിരിക്കും.
ലഗ്നാൽ അഞ്ചാം ഭാവത്തിൽ സൂര്യൻ നിന്നാൽ സന്താനങ്ങൾ ഉണ്ടായി നശിച്ചവനും ദാരിദ്ര്യമനുഭവിയ്ക്കുന്നവനുമായിരിക്കും.
ലഗ്നാൽ ആറാം ഭാവത്തിൽ സൂര്യൻ നിന്നാൽ ശത്രുക്കളെ ജയിയ്ക്കുന്നവനും ബലവാനുമായിത്തീരും. ഇവിടെ സൂര്യൻ ബലവാനാണെങ്കിലാണ് ശത്രുക്കളെ ജയിയ്ക്കുക. വിബലനാണെങ്കിൽ ശത്രുക്കൾ ഇയാളെ ജയിയ്ക്കുമെന്നുകൂടി ചിന്തിയ്ക്കാമെന്ന് ഗ്രന്ഥാന്തരങ്ങളെക്കൊണ്ടു കാണുന്നുണ്ട്.