വസനഭൂഷണചന്ദനവാഹനാ-
ദ്യനുഭവഃ പ്രമദാസുഖസമ്പദഃ
ദ്യുതിയുവക്ഷിതിപാപ്തധനോന്നതിർ
ഭൃഗുസുതേ സ്വദശാം പ്രവിശത്യപി.
സാരം :-
ശുക്രദശയിലെ ശുക്രന്റെ അപഹാരകാലം വിശേഷവസ്ത്രങ്ങളും സ്വർണ്ണാദ്യാഭരണങ്ങളും കളഭചന്ദനാദ്യനുലേപനങ്ങളും ഗജതുരഗാദി വാഹനങ്ങളും ഉണ്ടാകും. കളത്രഭോഗസുഖവും സമ്പത്തുകളും ഓജസ്സും രാജപ്രസാദവും തന്നിമിത്തം ധനാഭിവൃദ്ധിയും സംഭവിക്കുകയും ചെയ്യും.
ശുക്രന് മാരകസ്ഥാനസംബന്ധമുണ്ടായാൽ ദോഷശാന്ത്യർത്ഥം ശ്രീരുദ്രം, ത്യംബകം എന്നീ മന്ത്രങ്ങൾ ജപിക്കുകയും വെളുത്ത പശുവിനേയും എരുമയേയും ദാനം ചെയ്യുകയും വേണം.
