ഭാര്യാഭരണാർത്ഥമർണ്ണവേ
നൌസ്ഥോ ഗച്ഛതി സർപ്പവേഷ്ടിതഃ
ഹൈമൈശ്ച യുതോ വിഭൂഷണൈ-
ശ്ചിപിടാസ്യോന്ത്യഗതശ്ച കർക്കടേ.
സാരം :-
കർക്കടകാന്ത്യദ്രേക്കാണസ്വരൂപം അനവധി സ്വർണ്ണാഭരണങ്ങൾ അണിഞ്ഞും ദേഹത്തിൽ പാമ്പുകളെ പിടിച്ചു കെട്ടിയും അവിലുപോലെ പതിഞ്ഞ മൂക്കോടും കൂടി ഇരിയ്ക്കുന്നവനും ഭാര്യയ്ക്കു ആഭരണങ്ങളെ വാങ്ങുവാൻ വേണ്ടി കപ്പൽ കയറി സമുദ്രയാത്ര ചെയ്യുന്നവനും ആയ ഒരു പുരുഷന്റേതാകുന്നു. ഇതു മനുഷ്യദ്രേക്കാണവും സർപ്പദ്രേക്കാണവും ജലചരമാണെന്നും അറിയുക.
