കിന്നരോപമതനുസ്സകംബള-
സ്തൂണചാപകവചൈസ്സമന്വിതഃ
കുംഭമുദ്വഹതി രത്നചിത്രിതം
സ്കന്ധഗം മകരരാശിപശ്ചിമഃ
സാരം :-
മകരം രാശിയുടെ അന്ത്യദ്രേക്കാണസ്വരൂപം, കിന്നരൻ എന്ന ദേവയോനീവിശേഷത്തേപ്പോലെ കുതിരയുടെ മുഖം പോലെയുള്ള മുഖത്തോടുകൂടി ചട്ട ആവനാഴി വില്ല്, ഇവ ധരിച്ച് കരിമ്പടംകൊണ്ടു പുതച്ച ഒരു പുരുഷനാണ് ഈ അശ്വമുഖനായ പുരുഷൻ. നാനാവർണ്ണങ്ങളായ അനവധി രത്നങ്ങൾ പതിച്ച ഒരു കുടം ചുമലിൽ ധരിച്ചിട്ടുണ്ട്. " കിന്നരോപമതനുഃ " എന്നതിനു മുഖം മാത്രം കുതിരയുടേതുപോലെയും ബാക്കി ശരീരം മുഴുവൻ മനുഷ്യന്റേതുപോലെയും ആണെന്നു സ്പഷ്ടമാകുന്നുണ്ട്. "സ്യാത് കിന്നരഃ കിം പുരുഷ സ്തുരംഗവദനഃ " എന്നു അമരസിംഹവചനമുണ്ടല്ലോ. ഇതു മനുഷ്യദ്രേക്കാണവും ചതുഷ്പാദ്രേക്കാണവും സായുധവുമാണെന്നും അറിയുക.
