ഖരസ്ഥിതസ്യ തൽപൂർവ്വചതുഷ്കസ്പർശനേ ഫലം
വിവാദോ ഗോഹതിശ്ശസ്ത്രഭംഗോ ഭാര്യാഗദഃക്രമാൽ
സാരം :-
പ്രഷ്ടാവ് ഖരയോനിദിക്കായ വായുകോണിൽ നിന്നു ചോദിക്കയും അപ്പോൾ ഖരയോനിസ്ഥാനമായ കയ്യിൽ സ്പർശിക്കയും ചെയ്താൽ വാദപ്രതിവാദം മുതലായ മത്സരവും കാകയോനിസ്ഥാനമായ കാലിൽ സ്പർശിക്കുന്നെങ്കിൽ നാല്ക്കാലികനഷ്ടവും ധൂമയോനിസ്ഥാനമായ മൂക്കിൽ സ്പർശിക്കുന്നെങ്കിൽ ആയുധംകൊണ്ടു വ്രണപ്പെടുകയും ശ്വയോനിസ്ഥാനമായ ചെവി, കണ്ണ് ഇതുകളെ സ്പർശിക്കുന്നുവെങ്കിൽ ഭാര്യക്കു രോഗദുഃഖവും ഫലമാകുന്നു.