ലാഭേശ്വരസ്യ പ്രബലസ്യ പാകേ
സംസാരസൗഭാഗ്യമഹോദയാർത്ഥാൻ
സമാഗമം മൃത്യുജനൈസ്സുഹൃത്ഭി-
രവ്യാഹതാം സമ്പദമപ്യുപൈതി.
സാരം :-
ബലവാനായ പതിനൊന്നാം ഭാവാധിപനായ ഗ്രഹത്തിന്റെ ദശയിൽ ഐഹികങ്ങളായ എല്ലാ സൗഭാഗ്യങ്ങളും ഔന്നത്യവും അർത്ഥപുഷ്ടിയും ഉണ്ടാവുകയും ഭൃത്യന്മാരോടും ബന്ധുക്കളോടും ചേരുകയും അപ്രതിഹതമായ ഐശ്വര്യമനുഭവിക്കുകയും ചെയ്യും.
**********************************************
ലാഭേശേ വിബലേ സഹോദരസുഹൃ-
ന്മാതൃപ്രണാശം സുത-
ക്ലേശം വഞ്ചനദീനതാശ്രവണരുഗ്-
ദുഃഖാനി നഷ്ടാർത്ഥതാം.
സാരം :-
ബലഹീനനായ പതിനൊന്നാം ഭാവാധിപനായ ഗ്രഹത്തിന്റെ ദശയിൽ സഹോദരൻ (ജ്യേഷ്ഠൻ), ബന്ധു, മാതാവ് എന്നിവർക്ക് നാശം സംഭവിക്കുകയും പുത്രദുഃഖം അനുഭവിക്കുകയും വഞ്ചനയും ദുഃഖവും ദാരിദ്രവും കർണ്ണരോഗവും സംഭവിക്കുകയും എല്ലാ കാര്യങ്ങളിലും നഷ്ടം നേരിടുകയും ചെയ്യും.