മൂലത്രികോണനിലയസ്യ ഗുരോർദശായാം
രാജ്യാർത്ഥഭൂമി സുതദാരവിശേഷസൌഖ്യം
യാനാധിരോഹണമപി സ്വബലാപ്തവിത്തം
യജ്ഞാദികർമ്മജനപൂജനമപ്യുപൈതി.
മൂലത്രികോണത്തിൽ (ധനു രാശിയിൽ ആദ്യത്തെ പത്തു തിയ്യതിക്കകം വ്യാഴം നിൽക്കുന്ന സമയം) നിൽക്കുന്ന വ്യാഴത്തിന്റെ ദശാകാലം രാജ്യപ്രാപ്തിയും അർത്ഥലാഭവും ഭൂസ്വത്തും ഭാര്യാപുത്രാദികളിൽനിന്നുള്ള സുഖവും ലഭിക്കുകയും പല്ലക്കു മുതലായ വാഹങ്ങളിലേറുകയും സ്വശക്തികൊണ്ടു ധനസമ്പാദനവും യാഗാദിപുണ്യകർമ്മാനുഷ്ഠാനവും ജനങ്ങളുടെ സൽക്കാരവും ലഭിക്കയും ഫലമാകുന്നു