വ്യാഴദശയിലെ ചൊവ്വയുടെ അപഹാരകാലം

ബന്ധൂപതോഷണമരിവ്രജതോƒർത്ഥലാഭഃ

സുക്ഷേത്രസൽകൃതിരിഹ പ്രഥിതഭാവഃ

ഈഷദ്ഗുരൂപഹതിരീക്ഷണസൂക്ഷതിർവ്വാ

ക്ഷിത്യാത്മജേ ഹരതി വത്സരമാര്യജാതം.

സാരം :-

വ്യാഴദശയിലെ ചൊവ്വയുടെ അപഹാരകാലം ബന്ധുക്കളുടെ സന്തോഷവും ശത്രുക്കളിൽ നിന്ന് അർത്ഥലാഭവും നല്ല ഭൂമികളും സൽക്കാരങ്ങളും ലഭിക്കുകയും വലിയ പ്രഭാവം സിദ്ധിക്കുകയും ഗുരുജനങ്ങൾക്ക്‌ ചില നാശങ്ങൾ സംഭവിക്കുകയും നേത്രരോഗമുണ്ടാവുകയും കാര്യവിഘ്നം, സഞ്ചാരം, ജ്വരം, ധനനഷ്ടം, ഉത്സാഹഹാനി എന്നിവ സംഭവിക്കുകയും ഫലമാകുന്നു. ചൊവ്വക്ക് മാരകസ്ഥാനസംബന്ധമുണ്ടെങ്കിൽ ദോഷശാന്ത്യർത്ഥം സുബ്രഹ്മണ്യജപവും വൃഷഭദാനവും ശാന്തിഹോമങ്ങളും ചെയ്കയും വേണം.