യാതേഷ്വസൽസ്വസമഭേഷു ദിനേശഹോരാം
ഖ്യാതോ മഹോദ്യമബലാർത്ഥയുതോതിതേജാഃ
ചാന്ദ്രീം ശുഭേഷു യുജി മാർദ്ദവകാന്തസൌഖ്യ-
സൌഭാഗ്യധീമധുരവാക്യയുതഃ പ്രജാതഃ
സാരം :-
ജനനസമയത്തു പാപഗ്രഹങ്ങൾ മേടം മിഥുനം മുതലായ ഓജരാശികളിൽ സൂര്യഹോരയിൽ നിന്നാൽ അയാൾ പ്രസിദ്ധനും വലിയ ഉത്സാഹിയും അതിബലവാനും വലിയ ധനവാനും അത്യന്തം തേജസ്വിയുമാവുന്നതാണ്.
ജനനസമയത്തു ശുഭഗ്രഹങ്ങൾ ഇടവം കർക്കടകം തുടങ്ങിയ യുഗ്മരാശികളിൽ ചന്ദ്രഹോരയിൽ നിന്നാൽ മൃദുസ്വഭാവത്തോടും പ്രഭാവിശേഷത്തോടും ഉൽകൃഷ്ടസുഖാനുഭവത്തോടും ബുദ്ധിവൈശിഷ്ട്യത്തോടും മധുരവാക്കുകളോടും കൂടിയവനായിരിയ്ക്കയും ചെയ്യും.