രാജയോഗകരസ്സാക്ഷാദ്രവിജോ വൃഷജന്മനഃ
ജീവശുക്രേന്ദവഃ പാപാശ്ശുഭൌ രവിജഭാസ്കരൗ.
ജീവാദയേ ഗൃഹാഃ പാപാഘ്നന്തി മാരകലക്ഷണാഃ
ഗ്രഹയോഗേക്ഷണാദ്യൈശ്ച ജ്ഞേയൗ ജ്ഞാരൗ ശുഭാശുഭൗ.
സാരം :-
ഇടവലഗ്നത്തിൽ ജനിച്ചവനു ഒമ്പത്, പത്ത് എന്നീ ഭാവങ്ങളുടെ അധിപനായ ശനിയും കേന്ദ്രാധിപനായ സൂര്യനും ഏറ്റവും ശുഭന്മാരും ശനി സാക്ഷാൽ രാജയോഗപ്രദനുമാകുന്നു.വ്യാഴത്തിനും ശുക്രനും ചന്ദ്രനും ഉത്തരോത്തരം പാപാധിക്യമുണ്ട്. ഈ ഗ്രഹങ്ങൾ മാരകന്മാരായിരിക്കും. അഞ്ചാം ഭാവാധിപനായ ബുധനു ദ്വിതീയമാരകാധിപത്യവും സപ്തകേന്ദ്രാധിപനായ കുജനു പന്ത്രണ്ടാം ഭാവാധിപത്യവും ഉള്ളതുകൊണ്ട് അവർ യോഗകർത്താക്കളല്ല. എങ്കിലും മറ്റു ഗ്രഹയോഗേക്ഷണങ്ങളനുസരിച്ച് ചിലപ്പോൾ ഇഷ്ടഫലങ്ങളെ ചെയ്കയും ചെയ്യും. " ലഗ്നാദ്വ്യയദ്വിതീയയേശൗ പരേഷാം സാഹചര്യതഃ സ്ഥാനാന്തരാനുഗുണ്യേന ഭവേതാം ഫലദായകൗ " എന്നുള്ള ചന്ദ്രികാവചനവും ഇവിടെ സ്മരണീയമാകുന്നു.
